Hvað er í gangi.

Alveg hræðilega hefðbundin leikatriði. Maður er farinn að klípa sig í handlegginn í þeirri von að maður vakni. Sjálfstæðisflokkurinn heldur velli eins og ekkert hafi í skorist. Geir er með meiningar um þinglok. Frjálslyndi frjálshyggjupostulinn Geir vill alls ekki að við kjósendur fáum aukið frelsi í kjörklefanaum Páfinn, þe Bjarni Ben talar um sátt og traust. Gleymum fortíðinni og horfum fram á veginn. Hvar var samviska Bjarna Ben meðan Geir neitaði að viðurkenna staðreyndir lífsins. Hann kóaði með Geir og er því samábyrgur-hann vill heldur ekki persónukjör né Stjórnlagaþing.Bjarni Ben vill bara völd. Því er leikritið svo hræðilega hefðbundið og farsakennt. Og við kokgleypum það eins og atvinnumella.

Það er ekki margt til ráða. Andstæðingar Sjálfstæðisflokksins skilja ekki hvernig venjulegt launafólk á samleið með flokki auðmanna og sérhagsmuna. Þetta er svolítið sérstök ráðgáta í íslensku samfélagi. Meðan þessi tvöfeldni er ekki leyst held ég að fátt breytist. 

 

Hvers vegna á að afnema verðtryggingu á Íslandi.

Heimilin á hrakhólum. Núna er borgarafundur hjá Akureyringum um vandamál heimilanna í kjölfar kreppunnar. Sökum þess að hitastig umhverfisins lækkaði hér fyrir sunnan og hríðarkófið hóf sinn dans varð manni hugsað norður fyrir heiðar. Aftur á móti tel ég fólki sé heitt í hamsi núna fyrir norðan. Verðtryggingin verður sjálfsagt aðalmálið. Hún verður sjálfsagt meðhöndluð með hefðbundnum skotgrafahernaði. Unga fólkið losnar við verðtrygginguna og setur gamla fólkið út á guð og gaddinn. Þvílík heimtufrekja og óskammfeilni af þessu ofdekraða liði. Bara svona í framhjáhlaupi ætla ég minna á það að þeir sem hafa verið að fara á eftirlaun á liðnum árum byggðu sín hús með lánum sem brunnu upp til agna í verðbólgunni á sínum tíma.

Ég tel að nauðsyn þess að afnema verðtrygginguna sé ekki fyrst og síðast budda húseigenda og lífeyrisþega. Mun mikilvægara er að afnema verðtrygginguna vegna þeirra skaðlegu áhrifa sem hún hefur á allar lánastofnanir landsins og stjórnendur þeirra. Þeir sem stunda lánastarfsemi á Íslandi þurfa aldrei að hafa áhyggjur af afkomu stofnana sinna. Þeir geta bara grætt en aldrei tapað, lántakandinn er einn um þá hlið mála. Mjög sérkennilegt og óeðlilegt fyrirkomulag. Þegar reynir aldrei á hæfni manna að reka lánastofnun þá er augljóst að vanhæfir einstaklingar geta setið þar tryggir í sínum stólum. Meðan ég bjó í Svíþjóð fékk ég húsnæðislán á föstum vöxtum til ákveðins tíma, 1 til 10 ára. Lánið sjálft var til 30 til 40 ára en nýir vextir með jöfnu árabili. Verðbólgan gat verið hærri og þá tapaði bankinn en ég græddi. Því þurftu sænskir bankamenn virkilega að gæta hófs og sýna mikla skynsemi við rekstur fyrirtækja sinna.

Því hefur íslenska verðtryggingin alið af sér óhæfar lánastofnanir á Íslandi. Stjórnendur hafa aldrei þurft að takast á við stjórnunarlega ábyrgð eins og starfsbræður þeirra í nágrannalöndunum. Ætli yfirbygging og flottheit hjá viðkomandi lánastofnunum væri eins ef þeir þyrftu að reka sín fyrirtæki eins og aðrir þegnar þessa lands. Þetta er svipað ef að læknir meðhöndlar sjúklinga sem geta ekki dáið hvaða vitleysu sem lækninum dettur  í hug. Þess vegna er nauðsynlegt að afnema þessa verðtryggingu. Þar fyrir utan er það algjör geggjun að verðlag á bílum sem ekki seljast á Íslandi í dag hækki lánin á húsinu mínu. Amen

 

 

 

Birgir og upplýsingaveitan.

Birgir Ármannsson spyr Jóhönnu um tölvuskeyti frá Alþjóðagjadeyrissjóðnum. Þetta skeyti var sent í Forsætisráðuneytið sem trúnaðarmál. Í þessu sambandi skiptir engu hvort Jóhanna vissi um skeytið eða ekki. Stóra spurningin er aftur á móti hvernig Birgir vissi um trúnaðarskeyti. Aðspurður svarar hann" Ég heyrði þetta utan að mér í gær og vegna þess að ég var ekki viss þá ákvað ég að spyrja forsætisráðherra". Hvernig stendur á því að trúnaðarupplýsingar liggja svona á lausu um alla þingsali? Ef Birgi þyrstir svona mikið í sannleikann þá þætti okkur vænt um að vita hver er hans DEEP THROAT.

 

BORGARAFUNDUR Á AKUREYRI Í KETILHÚSINU KL 15:00-Landráð af "gáleysi".

Nú er maður kominn á Krókinn til Sigurjóns mágs. Borgarar úr höfuðstaðnum eru á leið til höfuðstaðar norðurlands, Akureyri. Tilefnið er Borgarafundur á Akureyri. Hann mun vera haldinn í Ketilhúsinu á Akureyri. Kl 15:00. Efni fundarins er Landráð af "gáleysi". Góðir ræðumenn eru á boðstólnum. Sigurjón mágur mun ræða um kvótann og spillinguna. Margrét Heinriksdóttir mun ræða um lög tengd landráði. Andrés Magnússon geðlæknir ræðir um möguleikana að ná fjármunum landráðamannanna til baka. Vilhjálmur Bjarnason viðskiptafræðingur ætlar að hella úr skálum reiði sinnar, eða að ég vona það að minnsta kosti. Síðan verður almenn umræða. Vonandi munu norðanmenn taka vel við sér og gera fundinn líflegan og skemmtilegan.

Landráð af gáleysi. Hvað er það í raun og veru. Landráð er sjálfsagt eitthvað flókið fyrirbæri lagalega séð. Fyrir okkur hinum dauðlegum þá snýst það um að afhenda fjöregg þeirrar þjóðar sem þú tilheyrir til einhverra annarra. Ef til vill verður einhverjum slíkum spurningum svarað á morgun á borgararfundi á Akureyri.

Jón Magnússon og Frjálslyndi Flokkurinn.

Jón Magnússon mun ekki bjóða sig fram fyrir Frjálslynda flokkinn aftur. Þetta segir hann í DV og einnig í öðrum miðlum. Undanfarna mánuði hafa margir flokksmenn í FF verið að hópast í björgunarbátana. Langlundargeð Jóns vekur í raun eftirtekt því flest allir sem störfuðu í kjördæmi hans, Reykjavík, eru hættir í flokknum eða hættir að taka þátt í starfi hans. Það var blandaður hópur af fólki sem kom til starfa fyrir flokkinn hér í Reykjavík eftir síðustu kosningar. Stefnuskrá flokksins er góð og þessi hópur vildi vinna mikið starf með þingmanni sínum í Reykjavík. Grunnhugmyndin var sú að þar sem flestir kjósendur væru í Reykjavík væri mjög mikilvægt að efla flokkinn í Reykjavík. Með öflugu starfi í Reykjavík væri hægt að stækka flokkinn verulega. Því miður þá tókst yfirstjórn flokksins aldrei að tileinka sér þessa stefnu. Við sem störfuðum í Reykjavík komumst ekkert innan flokksins, tilvist okkar virtist vera ógn við ráðandi öfl í flokknum. Eftir þessa lífsreynslu þá er niðurstaða mín sú að kjarnamarkmið flokksins sé að eiga að minnsta kosti einn þingmann frá Ísafirði og þá sé markmiðinu náð.

Í raun er þessi niðurstaða mjög sorgleg. Stefna Frjálslynda flokksins er góð að mörgu leyti. Reyndar svo góð að meginstef hennar hafa verið meginkröfur mótmælenda um allan bæ eftir að kreppan hófst. Því er það með hreinum ólíkindum að stjórnmálaflokkur sem virðist eiga mikinn og góðan samhljóm meðal allra mótmælenda vetrarins minnki fylgi sitt í skoðunarkönnun eftir skoðunarkönnun. Í dag mælist flokkurinn í kringum 2% í könnunum. Flestum ætti að vera ljóst að eitthvað mikið er að þegar flokkur við slíkar aðstæður minnkar og meginstarf formannsins alla sína starfstíð hefur verið að stilla til friðar innan flokksins. Sem grasrót get ég ekki tekið ábyrgð á slíku. Hversu seint Jón Magnússon yfirgefur hið sökkvandi skip ber merki þess að hann sé séntilmaður, því konur og börn fara alltaf fyrst í björgunarbátana.

Framtíðin?

Stjórnarslit? Ný Ríkisstjórn? Kosningar-hvenær? Ný stjórnarskrá? Aukið lýðræði?

Ríkisstjórnin hefur gert minnst lítið sem dugar venjulegu fólki. Almenningur fer á hausinn. Almenningur tapar stórfé vegna verðhækkana íbúðarlána. Almenningur tapar stórfé vegna verðfalls eigna þeirra. Almenningur tapar stórfé vegna svæsinnar rýrnunar á lífeyri þeirra. Almenningur tapar stórfé vegna síhækkandi verðlags. Almenningur tapar stórfé vegna þess að fjármunir þeirra gufuðu upp í bönkunum við hrunið. Almenningur tapar stórfé því hann missir vinnuna. Eigendur fyrirtækja tapa stórfé því almenningur getur ekki keypt eitt né neitt. Hvorki frjálshyggja né nokkuð annað virkar við þessar aðstæður. Reyndar virka svik og prettir.

Hvað knýr núverandi Ríkisstjórn til að lafa fram að kosningum í vor? Hvers vegna er Ingibjörg Sólrún reiðubúin til að verja stjórnina falli fram að óhjákvæmilegum kosningum. Er það ESB. Ég dreg það er í efa. Hvers vegna mega ekki Vinstri Græn ekki komast í valdastöðu. Er það andstaðan við AGS og ESB. Ég dreg það í efa. Það er ekkert ráðrúm til að leiða slík mál til lykta fyrir kosningar, enda hefur þingheimur öðrum hnöppum að hneppa.

Er hugsanlegt að margir þingmenn og Ráðherrar hafi eitthvað óhreint í pokahorninu? Er samtrygging með vanhæfum Seðlabanka og Fjármálaeftirliti ástæða. Er daður ýmissa við spillt auðmannagengi ástæðan. Er hugsanlegt að flest allir þingmenn okkar þoli ekki dagsljósið. Er því svona mikilvægt að grafa skömmina svo tryggilega að flest allir eigi möguleika að valdastólunum aftur eftir kosningar. Viljum við það??

Almenningur er valdalaus nema eitt andartak í kjörklefanum. Eftir hæfilegan heilaþvott kostaðan af fjársterkum aðilum kjósum við örugglega "rétt".

Hvernig bregðumst við þessari stöðu? Almenningur fær engar upplýsingar frá valdhöfum. Því grunum við valdhafa um græsku. Við verðum að breyta þjóðfélaginu okkar. Í raun þurfum við byltingu-friðsamlega nota bene.

Við verðum að færa völd frá flokkunum til almennings. Við verðum að uppræta alla spillingu. Við verðum að margfalda völd Alþingis. Minnka völd Ráðherra. Auka sjálfstæði dómara. Banna vinavæðingu.

Hvernig??  Við þurfum að koma okkur saman um leið og aðferð sem virkar fljótt og vel.

ALLIR Í HÁSKÓLABÍÓ Í KVÖLD.

Það verður Borgarafundur í kvöld og því miður verð ég á Neskaupstað að vinna og kemst því ekki. Erindin eru mjög áhugaverð og vona ég svo innilega að sjónvarpið sjái sóma sinn í því að sýna beint frá atburðinum. Hafið gagn og gaman í bænum.

OPINN BORGARAFUNDUR Í KVÖLD.

OPINN BORGARAFUNDUR #7

OPINN BORGARAFUNDUR #7
Í Iðnó, fimmtudaginn 8. janúar kl 20-22.

Fundarefni: Mótmæli (ólík viðhorf, ólíkar aðferðir, sömu markmið?), aðferðafræði mótmæla og borgaraleg óhlýðni.

Frummælendur

• Hörður Torfason - Raddir fólksins
• Eva Hauksdóttir - Aðgerðasinni
• NN anarkisti
• Stefán Eiríksson - Lögreglustjóri höfuðborgarsvæðisins

Auk þeirra munu Katrín Oddsdóttir, laganemi og talsmaður Neyðarstjórnar Kvenna, Sigurlaug Ragnarsdóttir fyrir hönd Nýrra tíma og Þórhallur Heimisson, prestur, taka þátt í pallborðsumræðum ásamt fleirum og svara spurningum viðstaddra.
Þá hefur Birni Bjarnasyni dómsmálaráðherra sérstaklega verið boðin þátttaka í pallborðsumræðunum.
Hvetjum ríkisstjórn Íslands og alla alþingismenn til að mæta á svæðið, hlusta á sína kjósendur og vera með í umræðunni. Hvetjum ennfremur alla fjölmiðlamenn og konur til að mæta og taka þátt.

Fyrirkomulag
Fundarform verður með sama sniði og áður, þegar frummælendur hafa lokið máli sínu er orðið gefið laust og fundargestir úr sal fá að tjá sig eða spyrja þátttakendur í pallborði spurninga. Hver aðili hefur tvær mínútur til að tjá sig svo gott er að vera vel undirbúinn.

Við hvetjum fundargesti til þess að mæta tímanlega vegna takmarkaðs húsrýmis.
Sýnum borgaralega virkni og fjölmennum á fundinn. Spyrjum, hlustum og fræðumst.

Hátekjuskattur??

Núna er búið að ákveða að leggja gjöld á þá sem leggjast inn á sjúkrahús landsins. Sex þúsund krónur í hvert skiptið. Geir Harði sagði um daginn að ekki væri óeðlilegt að menn greiddu fyrir slíkt. Byggði hann skoðaun sína á því að fólk yrði svo sjaldan veikt að sex þúsund krónur af og til væri ekki of mikið. Að því gefnu að menn séu ekki alltaf að kveikja í sér mörgum sinnum á ári er þetta rétt hjá honum.

Ef hámark hvers einstaklings er 25 þúsund krónur á ári er mér til efs að tilgangi þessarar fjáröflunar í ríkiskassan verði nokkurn tíman náð. Þeir sem leggjast oft inn á sjúkrahús þurfa líka að nýta sér heilbrigðisþjónustuna á fleiri stöðum. Því mun hámarkinu vera náð mjög fljótlega.

Hvers vegna ekki hátekjuskatt. Sú skattheimta hefði bæði verið réttlátari og árangursríkari.

Plís Geir, leggðu á mig hátekjuskatt, samvisku minnar vegna.

Fyrir hvern er Ráðherrann?

Þetta er hreint með ólíkindum. Umboðsmaður Alþingis fer um málið silkihönskum. Hann telur til ýmsa meinbugi á vinnuferlum. M.a. hefði mátt óska eftir frekari rökstuðningi fyrir uppröðun matsnefndar. Reyndar var það þannig að matsnefndin raðaði umsækjendum í númeraröð, þið kannist við þetta form, númer eitt, númer tvö o.sv.fr. Það virðist hafa snúist töluvert fyrir dýralækninum okkar að túlka slíka niðurstöðu.Það sem þeir virðast sammála um að það þurfi að tvísegja Árna sömu staðreyndirnar tvisvar svo hann geti farið eftir þeim.

Þetta er í raun spilling og ekkert annað. Sjálfstæðisflokknum finnst sjálfsagt að koma sínu fólki að. Þeim finnst bara ónæði af svona athugasemdum frá umboðsmanni. Þessi spilling virðist vera nokkuð almenn því ef sjálfstæðismenn væru einir um hana væri umboðsmaður mun hvassyrtari. Kurteisi hans ber vott um að hann á  mikið verk fyrir höndum að koma ráðherrum í skilning um að þeir eru starfsmenn þjóðarinnar en ekki á einhverju prívat flippi.

Í raun held ég að í mörgum öðrum löndum væri búið að brenna hálfa miðborgina til kaldra kola en við Íslendingar ypptum bara öxlum.

 

Telur nýmæli í niðurstöðu umboðsmanns