Fyrir hvern er Ráðherrann?

Þetta er hreint með ólíkindum. Umboðsmaður Alþingis fer um málið silkihönskum. Hann telur til ýmsa meinbugi á vinnuferlum. M.a. hefði mátt óska eftir frekari rökstuðningi fyrir uppröðun matsnefndar. Reyndar var það þannig að matsnefndin raðaði umsækjendum í númeraröð, þið kannist við þetta form, númer eitt, númer tvö o.sv.fr. Það virðist hafa snúist töluvert fyrir dýralækninum okkar að túlka slíka niðurstöðu.Það sem þeir virðast sammála um að það þurfi að tvísegja Árna sömu staðreyndirnar tvisvar svo hann geti farið eftir þeim.

Þetta er í raun spilling og ekkert annað. Sjálfstæðisflokknum finnst sjálfsagt að koma sínu fólki að. Þeim finnst bara ónæði af svona athugasemdum frá umboðsmanni. Þessi spilling virðist vera nokkuð almenn því ef sjálfstæðismenn væru einir um hana væri umboðsmaður mun hvassyrtari. Kurteisi hans ber vott um að hann á  mikið verk fyrir höndum að koma ráðherrum í skilning um að þeir eru starfsmenn þjóðarinnar en ekki á einhverju prívat flippi.

Í raun held ég að í mörgum öðrum löndum væri búið að brenna hálfa miðborgina til kaldra kola en við Íslendingar ypptum bara öxlum.

 

Telur nýmæli í niðurstöðu umboðsmanns

Athugasemdir

[Sigurjón Þórðarson, 30.12.2008 kl. 23:36]

Umboðsmaður hefur í gegnum tíðina fengið óblíðar viðtökur við athugasemdum sínum frá ráðherrum Sjálfstæðisflokksins en frægt var símtal þáverandi forsætisráðherra þegar hann lét óánægju sína í ljós vegna álits umboðsmanns vegna ráðningu frænda í hæstarétt.

Í gegnum tíðina hefur Árni Matt fengið fjölda álita frá umboðsmanni vegna vafasamra embættisfærsla við útfærslu á alvondu og óréttlátu kerfi í sjávarútvegi. Árni gerði ekkert með athugasemdirnar frekar en ríkisstjórnin hefur gert með álit Mannréttindanefndar Sameinuðu þjóðanna.

[Jakobína Ingunn Ólafsdóttir, 30.12.2008 kl. 23:59]

Já og dómsvaldið er búið að glata trúverðugleika. Þetta er ekkert annað en skrípaleikur.

Annars fékk ég furðulegt komment á bloggið mitt merkt þingmanni og flokksbróður ykkar.  Virðist stríða við einhver óþægindi.

[Gunnar Skúli Ármannsson, 31.12.2008 kl. 00:34]

Sæll Sigurjón,

sjálfsagt er umboðsmaðurinn orðinn þreyttur á barsmíðunum og er kurteis í dag. Þar að auki finnst honum sjálfsagt vonlítið að betrumbæta Hafnfirðinginn.

[Gunnar Skúli Ármannsson, 31.12.2008 kl. 00:38]

Sæl Jakobína,

ég hef tekið eftir því í kvöld að Kristinn H hefur gerst víðförull og athugasemdir hans í engu samræmi við það sem hann er vanur að láta frá sér. Því er greinilega um að ræða misnotkun á blogginu á einhvern hátt. Það er mest skömm fyrir viðkomandi en allt mun sjálfsagt komast upp að lokum.

[Guðrún Jónína Eiríksdóttir, 31.12.2008 kl. 02:35]

Æ ekki vildi ég vera hann. Gleðilegt ár