Fjárhag heimilisins borgið!

 

 

 

 

 

 

 

 

 

 

 

 

Eiginkonan tók þátt í sundmóti Garpa um helgina. Um var að ræða Norðurlandamót. Hún stakk sér ekki í laugina án þess að fá verðlaunapening. Hún fékk fjögur silfur verðlaun og eitt gull. Því er konan mín Norðurlandameistari í 50 m bringusundi Garpa. Miðað við atburði dagsins í dag hafa bankarnir ekki tileinkað sér hæfileika eiginkonu minnar að vinna en ekki að tapa. Betur hefði hún stjórnað einum eða tveimur bönkum á Íslandi. Til að ná settu markmiði þarf mikla elju og samviskusemi og virðist sem konan mín hafi það í ríkum mæli. Aftur á móti hafa bankarnir verið þaulsetnir af fólki sem heldur að allt verði til af öngvu. Eins og Fagin sagði í Oliver Tvist og orð hans eru eilíf; aflaðu 20 pensa og eyddu 19, því þá áttu afgang. Það átti konan mín og vann en bankarnir töpuðu um helgina.

 

 

 

 

 

 

 

 

 

 

 

 

 

Ragga Run og Helga að taka við GULLI.

Nú er bara að bræða peningana og fara með þa í Seðlabankann og bjarga Þjóðarskútunni.

 

 

 

 

 

 

 

 

Þarna er Sigurjón bróðir Helgu búinn að synda 1500 m skriðsund og fékk Brons. Flottur.

Frjálslyndi Flokkurinn og Kristinn H.

Á fjölmennum fundi hjá FF í síðustu viku kom fram einlæg ósk meirihluta fundarmanna að Kristinn H Gunnarsson yrði ekki lengur formaður þingflokksins.

 

 

 

 

 

 

 

 

 

 

 

 

 Þingflokkurinn varð við þessari ósk fundarmanna og Jón Magnússon hefur verið skipaður formaður þingflokksins. Þarna skynjaði flokksforystan grasrótina og megi hún eiga þökk fyrir. Í Reykjavíkurfélögunum er mikill áhugi fyrir öflugu flokkstarfi. Bæði er það starf sem snýr meir að Reykjavíkurborg og málefnum hennar. Borgarmálafélagið sinnir því. Einnig eru tvö kjördæmafélög í Reykjavík sem tengjast frekar starfinu á landsvísu með hugann við alþingiskosningar Við væntum þess að sú breyting sem gerð hefur verið á æðstu stjórn FF muni hafa það í för með sér að starfið í Reykjavík muni eflast mjög. Afleiðing þess gæti orðið aukið fylgi við flokkinn og fleiri (kven)menn á þing. Ef svo fer mun landsbyggðin njóta ávaxtanna af vinnu okkar í Reykjavík.

 

 

 

 

 

 

 

 

 

 

 

Vonandi er hér um gæfuspor að ræða fyrir Frjálslynda flokkinn. Að minnsta kosti hefur alvarlegt ágreiningsefni innan flokksins verið leyst.

Ekki gera ekki neitt.

Eitthvað er veðurspáin hálf ónotaleg hjá okkur þessa dagana. Stefnir í storm og óveður. Reyndar hefur blásið á skerinu áður og enn byggir þjóð landið. Veðurfar og önnur náttúra hefur engu að síður sett mark sitt á tilveruna. Margt væri öðruvísi ef alltaf hefði verið logn.

Eins er það í stjórnmálum. Núna gustar dulítið í Frjálslynda flokknum. Nýjasta rokinu veldur tillaga sem Eiríkur Stefánsson flutti í miðstjórn um daginn. Þar fer hann fram á það að þingflokkurinn velji sér nýjan formann. Það myndi falla betur að jafnræðisreglu að valdamikil embætti væru ekki öll frá sama kjördæminu. Guðjón Arnar var ekki sáttur við þessa tillögu vitandi að tillagan myndi valda honum mikilli vinnu við að bera klæði á vopnin. Reyndar er Guðjón í vanda. Það skiptir varla máli hvernig Guðjón bregst við, það munu alltaf einhverjir verða ósáttir. Spurningin er hvernig hann lendir þessu máli.

Nauðsynlegt er að taka af skarið þannig að sem flestir flokksmenn verði nokkurn veginn ánægðir og starfsfriður komist á í flokknum. Eins og segir í auglýsingunni,"ekki gera ekki neitt".

BerlínarMúrinn og Frjálslyndi flokkurinn.

Var að koma frá Berlín í dag. Mjög merkileg borg og gott að vera ferðamaður þar. Sá að vísu bara borgarkjarnann og það er yfirleitt sá hluti sem er túristavænstur. Saga Berlínar er mjög merkileg því hluti íbúanna var lokaður inni árum saman með Berlínarmúrnum. Þrátt fyrir að múrinn sé horfinn er saga hans enn ljóslifandi í Berlín.

Á meðan ég var fjarverandi varð allt vitlaust í Frjálslynda flokknum. Miðstjórn flokksins samþykkir ályktun þess efnis að þingflokkurinn kjósi sér nýjan þingflokksformann. Rökstuðningurinn er sá að halli sé á lýðræðinu og jafnræðinu innan þingflokksins. Mönnum finnst ekki eðlilegt að formaður flokksins og þinflokksformaðurinn komi báðir úr sama kjördæminu. Meiri valddreifing sé eðlileg og af hinu góða.

Það verður mjög spennandi að fylgjast með framvindu þessa máls. Vonandi hafa menn gæfu til sátta.

Botnlaus gleði hvernig sem fer.

Að sjálfsögðu er gullið skárra, eða þannig sko. 

Flashback gamals fíkils.

Ég fann það í kvöld að ég er fíkill. Vil ekki neina meðferð í bili. Víman gaf gott kikk. Hugurinn hvarf til fyrri tíma, svona eins og er kallað flashback. Fór sem sagt á tripp í kvöld. Var á Miklatúni og hlustaði á Magnús og Jóhann-Ísland er land þitt.. algjör alsæla. Ungu krakkarnir horfðu á okkur gamlingjana og flissuðu. Þannig umgangast nú allir fólk sem er í vímu. Mér er sama þetta var æðislegt. Takk.

 

Kverúlantar og pólitík.

Tilveran er sérstök. Bankarnir hagræða bókhaldinu þannig að líti sem best út og koma flottir undan vetri. Við þessir venjulegir höfum ekki kost á því. Við töpum og berum allan kostnað af fylleríi bankanna. Ég hef stundum velt því fyrir mér að meðaljóninn í okkar samfélagi gæti stýrt stjórnmálaflokkunum mun betur en þeir sem gera það núna. Ætli það veljist bara einhverjir kverúlantar í þær stöður. Meðaljóninn nennir þessu ekki og einbeitir sér að því sem er mun mikilvægara að sinna maka og börnum. Er það þannig að ekki er hægt að gera bæði og. Verður maður að vera kverúlant til að taka þátt í pólitík. Ég bara spyr?

Umskorinn Ísbjörn.

Það er merkileg þessi umræða um Björk og Bubba. Bubbi er að gagnrýna Björk fyrir ást hennar á náttúru Íslands. Stuðningsmenn Bjarkar ráðast síðan á Bubba. Það sem er að brjótast um í mér er að venjulegt fólk, sem les blöðin og hlustar á fréttir veit af því að mörg manneskjan lýður skort. Hvernig geta sömu aðilar verið að setja náttúruna fram yfir manneskjur. Hvernig er hægt að réttlæta það að allt verður vitlaust vegna Ísbjarnar sem skotinn er, talað er um villimannslegt dráp og sv. framv. Það eru þúsundir barnungra kvenna umskornar með rakvélablöðum án deyfingar á ári hverju. Meðan umskurður kvenna er framkvæmdur í sátt við stjórnvöld má mín vegna aflífa alla Ísbirni veraldarinnar. Sá sem myndi voga sér að umskera Ísbjörn án deyfingar fengi sjálfsagt alla upp á móti sér. Hvers eiga konur að gjalda, ég bara spyr.

Bókaþjófur á jeppa.

Merkilegt hvernig hlutirnir ganga fyrir sig. Ef ég stel bók í búð og það kemst upp, er það tilkynnt til lögreglunnar strax. Í kjölfarið verð ég að skila þýfinu, greiða sekt og er síðan skráður í sakaskrá ríkisins.

Fyrrum forstjóri Orkuveitu Reykjavíkur lét af störfum fyrir skömmu. Hann var leystur út með 30 milljón krónum að skilnaði. Eitthvað fannst honum það naumt skammtað því hann tók jeppa og mikilvæg skjöl traustataki. Sjálfsagt hefur hann þurft jeppann undir skjölin. Fyrrum samtarfsmenn hans hafa verið að hringja í hann undanfarið og falast eftir því að hann skili aftur eigum Orkuveitunnar. Hann neitar og kemst upp með það. Hvað er í gangi? Hver á Orkuveituna, við eða Gummi? Hvar er löggan?

 

 

Tyrkland-myndir.