Hvar er þjóðin MÍN ?

Ingibjörg Sólrún sagði að við værum ekki þjóðin. Það kom Geir á óvart að við mættum. Ég skil vel undrun þeirra. Það hlýtur að vera mjög sérstakt sjá ekki þjóð sína sem átti ekki að mæta, en mæta samt og segjast vera þjóðin þeirra. Ég vorkenndi Geir og Sollu svo mikið að ég fann mig næstum því meðvirkan eins og aðstandanda alka.

Fundurinn í kvöld var mjög merkilegur. Í fyrsta lagi mætti helstu leikendur ríkisstjórnarinnar. Fundurinn var mjög fjölmennur og margir þurftu frá að hverfa. Valdhafar fengu mjög beittar spurningar og ábendingar. Honum var sjónvarpað beint. Þegar pólitík er meðhöndluð eins og landsleikur í fótbolta þá er pólitíkin farin að skipta máli. Samt sem áður reyndu Geir og Solla að gjaldfella fundinn sem einhverskonar minni háttar fyrirbæri. Aðallega til trafala, við erum að þvælast fyrir vinnandi fólki. Örlög okkar Borgara er ömurlegt, það er litið á okkur sem sjálfsala. 

Það sem er þó alvaran í málinu er lygin. Rökstuðningur fyrir henni er að vandamálin séu svo flókin, og það séu margar hliðar á málinu. Því er ekki vel menntaðri þjóð treystandi fyrir sannleikanaum. Það kom greinilega fram á fundinum að ríkisstjórnin ætlar ekki að segja sannleikan, því sannleikurinn er of þungbær fyrir þessa þjóð sem ekki mætti, en mætti þó-við vorum í beinni ekki gleyma því.

Það vita allir að ástandið er miklu verra en af er látið. Það má bara ekki segja það. Ástæðan er sú að valdhafar binda vonir við að fólk þreytist á mótmælum. Valdhafar eru að hagræða fyrir sig en ekki okkur. Þjóðin vill sannleikan til að geta brugðist við. Sennilega munum við flytja úr landi í stórum hópum. Afgangurinn verður sennilega þjóð sem lætur betur að stjórn en "þessi þjóð".

 

„Þetta er þjóðin“

HÁSKÓLABÍÓ KL 20:00 Í KVÖLD.

 Nú mætum við öll í Háskólabíó í kvöld og eigum góða kvöldstund með ríkisstjórn og þingmönnum. Gefum þeim góð heilræði í bland við uppbyggilega gagnrýni-ef þau mæta.

Flotkrónan fer til helvítis, verðbólgan til himna-hvar lendi ég?

Af helming sem tók afstöðu er þriðjungur sem styður ríkisstjórnunar. Spurningin er hvað helmingur þjóðarinnar er að hugsa. Ég held að mjög stór hluti þjóðarinnar sé að hugsa margt og mikið. Það eina sem ég veit með fullri vissu er að ráðherrarnir 12 eru að hugsa bæði lítið og smátt. Það eru liðnar meira en 6 vikur og ekkert bitastætt hefur komið fram. Núna eru mjög mörg fyrirtæki og heimili að komast í þrot. Það var sagt skýrt og greinilega í upphafi bankakreppunnar að þegar krónan færi á flot myndi verðgili hennar fara beina leið til helvítis. Samtímis var sagt að mikið verðbólguskot til himna myndi eiga sér stað. Af því leiðir að verðtryggð lán hækka verulega og sú hækkun er varanleg. Við lánþegar sitjum uppi með allar skuldirnar. Eignir okkar duga ekki fyrir skuldum. Hvernig væri að ríkisstjórnin kæmi með einhver ráð sem duga. Hvernig væri að við sem berum minnsta sök berum byrðar í samræmi við það.

31,6% stuðningur við stjórnina

Gasklefi verðtryggingarinnar.

lþjóða

 

Lán hafa þá náttúru að þau þarf að endurgreiða ef einhver hefur ekki fattað það.

 

Hvað skiptir mestu máli núna. ESB?, Oddson? Eftirlaun? Kosningar? Nei og aftur nei. Mál málanna er verðtrygging lána. Er lán Alþjóða gjaldeyrissjóðsins verðtryggt? Nei þar eru bara vextir.

 

Verðtrygging er bara á Íslandi. Verðtryggingin mun gera mikinn fjölda Íslendinga eignalausa. Íslendinga sem hafa alltaf staðið í skilum og ekki keypt sér flatskjá. Verðtryggingin mun éta upp sparnaðinn okkar. Íslendingar sem áttu 1/3 í eigninni sinni í fyrra eiga ekkert í dag. Ef fram heldur sem horfir mun verðtryggingin gera venjulega Íslendinga svo skulduga að enginn mannlegur máttur getur komið þeim úr skuldasúpunni. Við munum aldrei geta greitt upp skuldirnar við bankana/lífeyrissjóðina. Við munum ekki geta selt eignirnar okkar því þær duga engan veginn fyrir skuldunum. Við getum ekki leigt þær út því leigan dugar ekki fyrir afborgununum. Við getum því ekki flúið landið. Vegna verðtryggingarinnar erum við föst og borgum og borgum. Við borgum án þess að hafa neinn hvata til þess, enga ánægju, engin eignamyndun, við borgum bara í neikvæða leigu. Við verðum ofurseld lánadrottnum okkar. Við verðum leiguþý, hjáleigubóndi. Við eigum enga sök á þessu.

 

Gylfa formanni og ASÍ finnst þetta bara fínt og allt í besta lagi. Ríkisstjórnin lengir bara í hengingarólinni. Multimillarnir bíða með gullið sitt í útlandinu og ætla svo að kaupa okkur upp þegar við erum komin inn í gasklefann og allt er betra en dauðinn.

 

Hvar er ég? Undralandi, vakna ég á eftir? Eða mun ég bara heyra hvissið í Samfylkingargasinu rétt áður en ég dey.

 

Látum ekki leiða okkur til slátrunar eins og gyðinga forðum daga.

Stólafíklar og við-BURT MEÐ SPILLINGALIÐIÐ.

Hvernig á maður að haga sér núna. Á maður að ræða um eftirlaun ráðherra sem skipta engu máli í stóru myndinni. Á maður að velta sér upp úr því hvort Davíð Oddson hefði átt að ræða um eitthvað annað en sjálfan sig. Á maður að velta fyrir sér einhverjum öðrum smámálum. Nei, við eigum að einbeita okkur að aðalatriðunum, því sem skiptir máli.

Lýðræðið; það skiptir máli. Valdhafar hlusta ekki á þjóðina þessa dagana. Valdhafar hafa menn í fullri vinnu til að kasta ryki í augun á okkur borgurunum. Allt til að fegra sinn hlut. Hér er um mjög alvarlegan misskilning að ræða milli okkar og valdhafa. Þeir þurfa ekki að vera í neinni kosningabaráttu gegn okkur. Þeir eiga bara að vinna vinnuna sína og sína af sér heiðarleika og gott siðferði. Því áttu valdhafar að segja af sér strax í upphafi kreppunnar og skipa utanþingsstjórn. Að lafa í stólunum rúin öllu trausti er ekki nokkrum manni til gagns.

Réttlætið; Að endurráða spillingarliðið aftur inn í bankana og viðhalda óhæfum embættismönnum hjá eftirlitsstofnunum ríkisins er ekki bara heimskulegt heldur einnig spilling. Síðan þega ráðherrar hlægja góðlátlega að okkur, almúganum, og í þokkabót fara með rangt mál, þ.e. ljúga, eins og kom fram í fréttum ríkissjónvarpsins í kvöld, þá á okkur að vera nóg boðið. Enda er okkur nóg boðið, við viljum lýðræði, ekki alræði stólafíkla.

Framtíðin; hvernig bregðumst við við þessum erfiðu aðstæðum sem við erum í? Hver einstaklingur vill ekki verða gjaldþrota. Því er verðtrygging lána stórt mál. Hana þarf að afnema, núna. Ef einhverjar stofnanir eða lífeyrissjóðir fara illa út úr því getum við tekið á því seinna. Núna þarf að bjarga heimilunum.

Við þurfum að endurlífga Alþingi Íslendinga og virkni hins almenna borgara í þjóðmálum. 

Mætum á Austurvöll á morgun og í Háskólabíó á mánudagskvöldið. Verum ábyrg.

Animal farm.

 

 

 

 

 

 

 

 

 

Það eru merkilegir tímar núna. Þeir eru meira að segja nokkuð sérstakir. Það er komin gjá á milli okkar, þ.e. hins almenna borgara, og valdhafa þessa lands. Það er augljóst að sumir Íslendingar eru jafnari en aðrir. Það er algjörlega óásættanlegt. Hitt er merkilegt að menn skammast sín ekki lengur fyrir að skara eld að sinni köku, þeim er nokk sama hvað okkur finnst.

Við reynum að nýta okkur lýðræðisleg réttindi okkar og mótmælum. Fjölmiðlar reyna af veikum mætti að veita aðhald. Það væri sök sér að valdhafar væru svolítið tregir til að hlusta á okkur. Þá væri ef til vill von til að koma vitinu fyrir þá. Í stað þess sýna valdhafar af sér einbeittan brotavilja. Það eru ráðnir sérfræðingar til að koma vísvitandi í veg fyrir eðlileg tengsl okkar við valdhafa. Vísvitandi komið í veg fyrir að blaðamenn tali við vissa embættismenn. Blaðamannafundir haldnir á vissan hátt, á vissum tímum til að valdhafar komi sem best frá þessu klúðri. Hver smjörklípan á fætur annarri. 

Þetta er mjög sorglegt. Valdhafar haga sér eins og þeir séu í kosningabaráttu. Það er eins og valdhafar hafi engan skilning á því að þeir eru í vinnu hjá okkur. Núna er mikil nauðsyn á því að við beitum borgaralegum réttindum okkar til að koma valdhöfum þessa lands í skilning um það.

Óska eftir launalækkun

Hittumst í bíó!

Strútarnir.

Mjög merkilegt. Allir vissu en enginn gerði neitt. Enginn sagði íslenskri þjóð sannleikann. Að Davíð hafi orðið hógvær og tileinkað sér samræðustjórnmál hefur greinilega komið íslenskri þjóð í koll. Hann var vanur því að menn gerðu eins og honum fannst. Honum fannst að Ísland gæti farið í gjaldþrot og hann muldraði bara út í horni. Öðruvísi mér áður brá. Allt þetta lið eru strútar með höfuðið á kafi í sandinum.

Annað mjög merkilegt. Davíð hefur leitt Geir upp á aftökupallinn og brugðið snörunni um hálsinn á honum. Hvenær opnar hann fallhlerann.

Fjölmiðlar í heljargreipum

"Ég flyt bara héðan"-mætum á NASA og finnum lausnir.

Ég hef heyrt í mörgum. Fólk er að hugsa um að yfirgefa skerið og koma sér vel fyrir á erlendri grund. Það hefur enginn trú á lýðræðinu á Íslandi. Mætum á NASA annað kvöld kl 20:00, þe mánudagskvöld og fyllumst einhverri von. Von um jákvæðar breytingar, annars hoppum við af þessu sökkvandi skeri.

 

 

 

 

 

 

Skyldulesning-ræða Viðars á Austurvelli í gær.

Sjá hér ræðu Viðars á Austurvelli í gær. Algjör skyldulesning, auk hinna ræðanna sem voru mjög góðar

 

.