Reykvískt Löður.

Í kvöldfréttatímanum kom fram að Sjálfstæðismenn vilja samstarf við Framsóknarmenn í Reykjavík. Ástæðan sem gefin var upp er sú að tryggja þurfi meirihlutann í borginni. Það var og. Meirihlutinn er sem sagt ótryggur.  Óli borgarstjóri er semsagt ekki nægjanlega trygglyndur eða traustur að mati Sjálfstæðismanna. Aldrei hefur neinn borgarstjóri verið gengisfelldur jafn illilega og Ólafur F. Ég gæti best trúað því að Reykvíkingar séu byrjaðir að telja dagana þangað til kosningar verða næst.

Athugasemdir

[Guðrún Jóna Gunnarsdóttir, 12.8.2008 kl. 23:41]

Borgarstórinn er svo sannarlega gengisfelldur, um það verður ekki deilt en hvort að sú gengisfelling sé réttmæt, treysti ég mér ekki til að taka afstöðu til. Finnst þá keyra um þverbak hversu maðurinn er tekinn fyrir. Eftir standa þó vangaveltur um það hvort hann kalli þetta yfir sig að öllu leyti??

Engin spurning, Sjálfstæðismenn eru farnir að biðla til Framsóknarmanna. Það er einungis spurning um tíma í þeim efnum.