Bókaþjófur á jeppa.

Merkilegt hvernig hlutirnir ganga fyrir sig. Ef ég stel bók í búð og það kemst upp, er það tilkynnt til lögreglunnar strax. Í kjölfarið verð ég að skila þýfinu, greiða sekt og er síðan skráður í sakaskrá ríkisins.

Fyrrum forstjóri Orkuveitu Reykjavíkur lét af störfum fyrir skömmu. Hann var leystur út með 30 milljón krónum að skilnaði. Eitthvað fannst honum það naumt skammtað því hann tók jeppa og mikilvæg skjöl traustataki. Sjálfsagt hefur hann þurft jeppann undir skjölin. Fyrrum samtarfsmenn hans hafa verið að hringja í hann undanfarið og falast eftir því að hann skili aftur eigum Orkuveitunnar. Hann neitar og kemst upp með það. Hvað er í gangi? Hver á Orkuveituna, við eða Gummi? Hvar er löggan?

 

 

Athugasemdir

[Jens Guð, 9.7.2008 kl. 22:09]

  Þetta eru þarfar spurningar.  Það má líka velta fyrir sér hvers vegna þeir sem hæst hrópuðu af hneykslun yfir meintum "ofurlaunum" Jakobs Magnússonar,  710 þús kr. á mánuði,  hjá borginni hafa aldrei gert athugasemd við næstum 4 milljón kr. mánaðarlaunum Guðmundar hjá OR.   

[Gunnar Skúli Ármannsson, 9.7.2008 kl. 22:55]

Satt segir þú Jens, en ætli hann hafi ekki skammtað sér kaupið sjálfur og er að brenna öllum skjölunum sem sanna það.