Neskaupsstaður-Egilsstaðir.

Nú þetta er búið að vera góður tími það sem af er. En eiginkonan fór til Reykjavíkur í dag. Flogið er frá Egilsstaðarflugvelli og því þarf að taka rútu fyrsta áfangann. Hafði ég hringt í Austfjarðarleið í fyrradag og kynnt mér málin. Mikið rétt rúta kl 1545 frá Neskaupsstað og alla leið upp á flugvöll, heila 75 km. Hentað þar að auki mjög vel því rútuferðin passaði akkúrat við brottför vélarinnar.

Ég kem konunni tímanlega á Olís bensínstöðina þar sem rútan átti að koma, en eins og ykkur er nú þegar farið að gruna kom engin rúta. Alls engin. Konan hringir í Austfjarðarleið og svörin voru hálf vandræðaleg,, ee héldum að enginn ætlaði að fara,, ee sorry ee,,. Þegar konan mín benti viðkomandi á að hún þyrfti að ná flugvél suður, ja, þá gæti hugsanlega verið komin rúta eftir í fyrsta lagi hálfa klukkustund.

Niðurstaðan varð sú að ég þurfti að hendast úr vinnunni og fá lánaðan bíl og keyra í einu hendingskasti með konuna 75 km út á flugvöll.

Þeir hjá Austfjarðaleið ættu nú að skammast sín.

Athugasemdir

[Rúna Guðfinnsdóttir, 13.6.2007 kl. 09:16]

Þetta kom fyrir hér áður fyrr í sjávarþorpinu mínu. Óþolandi. Nú kemur þetta ekki fyrir lengur, því rútusamgöngur hafa að mestu leiti verið lagðar niður eins og flest önnur þjónusta við okkur (ekki einu sinni verslun) því hagnaðurinn var ekki nógu mikill. Fuss og svei

[Þórður (IP-tala skráð) 13.6.2007 kl. 23:21]

Hæ pabbi, það er mikið skemmtilegra að lesa bloggið þitt þegar þú ert ekki heima því þá veit ég nú yfirleitt alltaf um hvað þú ætlar að skrifa en núna ertu lengst í burtu og gott að fá "update" af og til.