Sigurjón Þórðar Framkvæmdarstjóri FF.

Það er gott til þess að hugsa að Sigurjón Þórðar verði næsti framkvæmdastjóri FF. Hann er öflugur talsmaður helstu baráttumála flokksins. Mjög öflugur sendiherra hinna dreifðu byggða landsins. Oft hefur verið þörf en nú er nauðsyn. Sjaldan hefur verið sótt jafn hart að sjávarplássum landsins og nú. Svona feikivinsæll maður og Sigurjón er, jafnvel langt út fyrir raðir flokksins, mun koma þar sterkur inn. Í raun ómissandi fyrir framtíð FF flokksins. Fyrir utan hans almennu vinsældir þá hefur hann ásynd hins ákveðna stjórnmálamanns sem hefur jafnframt ekki átt í illdeilum innan flokks og barist mikinn fyrir mörgum góðum málum án þess að festa sig í neinum öfgum.

Því geta íbúar sjávarbyggða landsins treyst áfram á að Sigurjón verði áfram þeirra sendiherra þrátt fyrir að hann komst ekki inn á þing. 

Athugasemdir

[Jens Guð, 8.6.2007 kl. 01:00]

  Ef við leggjum kalt mat á styrk Frjálslynda flokksins þá eru vinsældir Sigurjóns óumdeilanlega þær sem ná lengst út fyrir flokkinn.  Þetta fékk ég rækilega staðfest þegar ég lagði kosningabaráttu FF lið síðasta vor í sveitastjórnarkosningum í Skagafirði.  Þar hitti ég fólk úr öllum flokkum,  æskufélaga mína úr Skagafirði og gamla kunningja.  Viðkvæði margra sem studdu aðra flokka var að geta þess sérstaklega hvað þeir voru ánægðir með þingmanninn Sigurjón.

  Núna þegar hefur orðið að samkomulagi að Sigurjón taki stöðu framkvæmdastjóra flokksins í haust er ljóst að það verður mikill styrkur fyrir flokkinn.  Með Sigurjón áfram í framlínu hefur flokkurinn alla möguleika á að halda stöðu sinni sterkri þetta kjörtímabil.