Mun samstarf okkar við AGS valda varanlegum skaða?

Alþjóðagjaldeyrissjóðurinn hefur lagt línurnar hjá okkur Íslendingum. Ríkistjórnin gerir ekkert án leyfis AGS. Því erum við í raun ekki fullvalda. Lán AGS duga fyrir jöklabréfunum margfrægu. Þegar gjaldeyrishöftin fara þá munu þessi bréf hverfa úr landi. Til að eigendur þessara bréfa fái þau á sem bestu gengi mun AGS láta okkur nota lánið til að styrkja gengið. Þar með klárast lánið og íslenskur almenningur hefur þar með borgað jöklabréfin. Sniðugt, ekki satt?

May the force be with us

Enn er hugur minn fullur svartsýni. Það er ekkert sem í fréttum sem gæti valdið bjartsýni í mínum huga. Í kvöldfréttum RÚV kom frá að til þess að AGS geti tekið okkar mál fyrir þurfa þeir í Wasington staðfestingarvottorð frá Norðurlöndunum um að þeir ætli virkilega að lána okkur peningana. Við erum nú þegar búin að skrifa undir lánasamning við "vinaþjóðir" okkar en það er ekki nóg. Því verður ekkert framhald á aðstoð AGS til okkar fyrr en Norðurlöndin gefa okkur grænt ljós. Norðurlandaþjóðirnar munu ekki gefa út sitt vottorð fyrr en við höfum gengið frá IceSave. Því mun ekkert koma frá AGS til okkar fyrr en IceSave hefur verið troðið niður í kokið á okkur eins og á franskri gæs. Þess vegna segir Steingrímur að alla lánalínur muni lokast ef töf verður á IceSave málinu.

Steingrímur veit eins og er að ekki dugar að mögla, auk þess ef maður er þægur þá fær maður mjúkan stól. Kannski munu S og VG sameinast og Steingrímur verður nýr formaður-rosa flott.

Þess vegna eigum við engra kosta völ. Við verðum svelt til hlýðni. Öngvir peningar munu koma nema við samþykkjum IceSave. Þá þurfum við að fara að borga allar skuldirnar. Fræðimenn fullyrða að þær séu okkur ofviða. Í þeirri stöðu verðum við eins og mjúkur leir í höndunum á samninganefnd ESB. Sjávarútvegur og landbúnaður verða algjör aukaatriði ef maður sveltur. Auk þess er það hulin ráðgáta hjá samninganefnd ESB hvað 300.000 hræður, svona eins og borgarhluti í Berlín, er að gera veður út af smámunum. Þrasið í okkur tefur bara dagskrána.

Í raun eru bara tvær spurningar sem standa út af borðinu. Sú fyrri er hversu mikið munu þeir mjólka okkur. Lán hafa þá náttúru að þurfa að endurgreiðast. Verður um 50% lækkun launa, 50% niðurskurð í heilbrigðis, félags - og menntamálum svo við getum staðið í skilum. Hversu mörg álver verða reist.

Hin spurningin er hversu margir hafa tök á að flýja Ísland.

 

 

Sturla í Frjálslynda flokkinn.

Ég var að sjá þetta núna. Ég er orðlaus. Ég er ekki alveg að meika það. Ég get þó huggað mig við það að það auðveldar mér valið í framtíðinni.

Sturla í Frjálslynda flokkinn

OPINN BORGARAFUNDUR MÁNUDAGSKVÖLD KL. 20:00

 

 

Opinn borgarafundur #8 - Fréttatilkynning

Hér eru stuttar lýsingar á erindunum sem flutt verða á mánudaginn.

 

Erindi Roberts Wade:

Hrun íslenska fjármálakerfisins í alþjóðlegu samhengi. Var hrun íslenska fjármálakerfisins náttúruhamfarir, einhvers konar "perfect storm", eða hamfarir af mannavöldum? Mátti sjá hrunið fyrir? Hvað veikti efnahagslegar varnir Íslands? Hverjir bera ábyrgð? Hver átti að vernda almenning fyrir aðsteðjandi efnahagsvá? Hver átti að standa vörð um hagsmuni og almenna velferð fólksins í landinu? Hvað er nú framundan? Kreppan herðir nú tökin á löndum Evrópu, - botninum er ekki náð. Hvaða áhrif hefur það á batahorfur hins íslenska efnahagslífs?

 

Erindi Sigurbjargar Sigurgeirsdóttir:

Stjórnmál og stjórnsýsla:

Sú efnahags- og peningamálastefna sem leiddi til hruns íslenska fjármálakerfisins er dæmi um stefnu sem farið hefur hrapalega úrskeiðis með skelfilegum afleiðingum fyrir íslenskt efnahagslíf og heimilin í landinu.

Hvernig og hvers vegna geta hugmyndir og stefnumál hins opinbera farið svona úrskeiðis?

Hvernig og hvers vegna þarf að endurhugsa og breyta innra umhverfi stjórnsýslunnar og koma stefnumótun hins opinbera í skipulagðari farveg?

 

Erindi Raffaellu Tenconi:

The summary of what I would present is:

1. Straumur macroeconomic forecasts for 2009-2010

2. The challenges of the near term and the risks surrounding these projections

3. Pros and cons of keeping the ISK, unilaterally adopting another currency or fully entering EU and the eurozone

I will not take a position on which option we recommend as I believe it is a political decision that should be enacted on the basis of the voters’ preferences. All options have advantages and disadvantages, I am happy to discuss those.

 

Erindi Herberts Sveinbjörnssonar:

Framtíð og nýliðin fortíð séð með augum hins almenna borgara, áhyggjur, afleiðingar og hugsanlegar lausnir. Spurt er af hverju er manneskjan að stofna samfélög ef þetta eru afleiðingarnar? Hverjar eru siðferðilegar skyldur borgaranna í samfélagi? Er hugtakið „löglegt en siðlaust“ lífsstíll á Íslandi? Hvernig samfélag viljum við? Og síðast en ekki síst, hvar er Nýja Ísland?

 

 

VERUM MEÐVIRK EKKI ÓVIRK !!!!  MÆTUM ÖLL.

Ingibjörg og þjóðin.

Ég viðurkenni fúslega að ég stal þessu úr Smugunni, en freistingin var of sterk.

Animal farm.

 

 

 

 

 

 

 

 

 

Það eru merkilegir tímar núna. Þeir eru meira að segja nokkuð sérstakir. Það er komin gjá á milli okkar, þ.e. hins almenna borgara, og valdhafa þessa lands. Það er augljóst að sumir Íslendingar eru jafnari en aðrir. Það er algjörlega óásættanlegt. Hitt er merkilegt að menn skammast sín ekki lengur fyrir að skara eld að sinni köku, þeim er nokk sama hvað okkur finnst.

Við reynum að nýta okkur lýðræðisleg réttindi okkar og mótmælum. Fjölmiðlar reyna af veikum mætti að veita aðhald. Það væri sök sér að valdhafar væru svolítið tregir til að hlusta á okkur. Þá væri ef til vill von til að koma vitinu fyrir þá. Í stað þess sýna valdhafar af sér einbeittan brotavilja. Það eru ráðnir sérfræðingar til að koma vísvitandi í veg fyrir eðlileg tengsl okkar við valdhafa. Vísvitandi komið í veg fyrir að blaðamenn tali við vissa embættismenn. Blaðamannafundir haldnir á vissan hátt, á vissum tímum til að valdhafar komi sem best frá þessu klúðri. Hver smjörklípan á fætur annarri. 

Þetta er mjög sorglegt. Valdhafar haga sér eins og þeir séu í kosningabaráttu. Það er eins og valdhafar hafi engan skilning á því að þeir eru í vinnu hjá okkur. Núna er mikil nauðsyn á því að við beitum borgaralegum réttindum okkar til að koma valdhöfum þessa lands í skilning um það.

Óska eftir launalækkun