Borgarafundur RÚV-"ég er mættur"

Mikið var gaman að fylgjast með borgarafundi í beinni á RUV. Spillingarmál gömlu flokkanna voru gerð full ítarleg skil. Meiri tími hefði mátt fara í mistök fyrri ríkisstjórna og stefnu flokkanna til framtíðar. Þegar kemur að greiðslum til flokkanna og frambjóðenda er málið einfalt í mínum huga. Ég styrki ekki nokkurn mann með 2 milljónum án þess að ætlast til greiða á móti, það er bara þannig.

Aftur að þættinum. Sturla, minn maður, var lang bestur. Stulli var lang ferskastur og með bestu tilsvörin. Auk þess alvarlegur og í sömu stöðu og margir aðrir atvinnulausir. Hann þekkir það á sínu eigin skinni hvað það er að vera atvinnulaus og gjaldþrota. Því er hann hæfastur til að leysa vandamál einstaklinga í slíkri stöðu. Allar þær hugmyndir sem hann hefur að nýsköpun munu fara langleiðina að leysa atvinnuleysið. Að mínu mati eru það stór mistök ef Stulli kemst ekki á þing.

Athugasemdir

[Ásthildur Cesil Þórðardóttir, 22.4.2009 kl. 23:27]

Sammála þér hann var ótrúlega flottur í sjónvarpinu í kvöld.  Ég var stolt af okkar manni.  Vonandi kemst hann á þing.

[Sigurjón Þórðarson, 22.4.2009 kl. 23:30]

Sturla er góður.

[Katrín Snæhólm Baldursdóttir, 22.4.2009 kl. 23:40]

Stulli er bara flottur og ég vona að hann komist á þing með okkur í Borgarahreyfingunni!!!

[Hallgrímur Guðmundsson, 23.4.2009 kl. 00:01]

Sammála Stulli stóð sig vel og frábær uppsetning á málflutningnum hjá honum.

[Jóna Kolbrún Garðarsdóttir, 23.4.2009 kl. 01:53]

Sturla stóð sig mjög vel í kvöld.  Ég var smá hissa, ég bjóst ekki við miklu frá honum. 

[Árni Gunnarsson, 23.4.2009 kl. 11:44]

Já hann kom mér verulega á óvart og ætti fullt erindi á þing.

[Sigurður Þórðarson, 23.4.2009 kl. 14:17]

Sturla var mjög góður. En það kom mér á óvart hvað Össur var utangátta.

[Aðalheiður Ámundadóttir, 23.4.2009 kl. 16:15]

Er ekki samt svolítið skondið að þeir kalli þetta 'Borgarafundi'. Ég meina, hvað eru þetta annað en framboðsfundir?

Borgarafundir eru samkomur sem eru skipulagðar af almenningi, með framsögum almennings o.s.frv. Æ kannski er ég bara almennt pirruð út í þennan 'aðdraganda kosninga' sem er algerlega 2007 að mínu mati. 

Mér finnst bara þessir 'borgarafundir' fullir af froðusnakki og engan veginn í takt við það sem fjallað væri um á orginal borgarafundum, miðað við aðstæður lands og þjóðar.l 

[Gunnar Skúli Ármannsson, 23.4.2009 kl. 22:27]

Sturla hefur komið mér og öllum öðrum mjög mikið á óvart. Hann væri mjög kærkomin viðbót á Alþingi okkar. Að minnsta kosti er hann betri heldur þessir fjöldaframleiddu atvinnustjórnmálamenn sem hafa aldrei í saltan sjó migið.