BORGARFUNDUR Á AKUREYRI Í GÆR.

Borgarafundurinn í gær í Ketilhúsinu á Akureyri var mjög góður. Húsið er skemmtileg umgjörð um slíka fundi og virkaði mjög vel á mig. Frummælendur voru góðir og skelegir. Mikið spurt svo að fundurinn varð töluvert lengri en ráð var fyrir gert. Það kom ekki að sök því spurningarnar voru góðar.

 

 

 

 

 

 

 

 

 

 

 

 

Hér sést yfir fundasalinn, það var vel mætt og nánast húsfyllir. Finnst það mjög gott á miðjum sunnudegi samtímis og skíðafærið í fjallinu gæti ekki verið betra.

 

 

 

 

 

 

 

 

 

 

 

 

Sigurjón mágur er óþreytandi að segja fólki frá ranglátu kvótakerfi og þeirri spillingu sem það hefur skapað. 

 

 

 

 

 

 

 

 

 

 

 

 

Þarna er panellinn. Sennilega átti Vilhjálmur Bjarna skúbb fundarins þar sem hann upplýsti að afskifti hans gætu komið í veg fyrir að háskóladeild sú sem hann starfar fyrir fengi frekari styrk frá ákveðnum fyrirtækjum.-Kúgun??

Það kom fram á fundinum að það gæti verið örðugt að dæma menn fyrir landráð. Ég sé ekki að það ætti að vera svo slæmt því það er augljóst að hægt er að fá menn dæmda fyrir þjófnað, svindl og óheiðarleika.

Lokaorð fundarins átti hin stórglæsilega þingkona og fyrrum bankamálaráðherra Valgerður. Þegar Andrés Magnússon geðlæknir spurði Valgerði hvort það hefði aldrei komið fram í stjórnsýslu ráðuneytanna að Ísland væri búið að vera eitt skuldugasta ríkið í heiminum í áraraðir og að skuldirnar jukust allt góðærið, þá svaraði Valgerður, "þið skiljið ekki hvernig Ríkisstjórnir starfa" Nú við þessi venjulegu gátu ekki annað en tekið heilshugar undir þessi orð. Við nefnilega skiljum alls ekki hvað þessu fólki hefur gengið til undanfarin ár. Geðlæknirinn hefur örugglega dýpri skilning á þessari mannlegu hegðun og sjálfsagt koma honum til skila við annað tækifæri.

Athugasemdir

[Aðalheiður Ámundadóttir, 9.2.2009 kl. 21:04]

"Þið skiljið ekki hvernig ríkisstjórnir starfa" Alveg rétt Gunnar, þetta sagði hún á fundinum. Ég hreinlega fattaði ekki hvað hún var í raun og veru að segja, þ.e. hversu mjög hún hitti naglan á höfuðið!

Takk fyrir góðan pistil

[Arinbjörn Kúld, 9.2.2009 kl. 21:25]

Orð Valgerðar benda eindregið til að ríkisstjórnir íslands starfi hreinlega ekki.

[Árni Gunnarsson, 10.2.2009 kl. 00:25]

Ykkur gengur greinilega illa að skilja "hin dýpri rök" stjórnsýslu á Íslandi!

Framsókn mun oss veginn vísa

og vernda ráðvillt landsins börn.

Já, brátt mun Íslands ársól rísa!

Og álftir kvaka á Lómatjörn.