FISKAR Á ÞURRU LANDI.

Sigurjón mágur var að skrifa um reiknikúnstir Hafró. Þar er stuðull sem kallast náttúrlegur dauðdagi fiska. Hann er víst skilgreindur sem sá dauðdagi sem veldur dauða fiska annar en sá dauðdagi sem stafar af veiðum manna. Sem sagt 18 % fiska deyja af náttúrulegum ástæðum.

Við erum í vandræðum með mannskepnuna að átta okkur á ástæðum þess hvers vegna hún lætur lífið. Hvernig er þá hægt að fullyrða að 18% fiska látist á hverju ári af náttúrulegum ástæðum. Við sjáum aldrei alla þessa fiska, vitum ekkert um þá, þeir sökkva allir til botns eða eru veiddir.

Það má segja að þrír möguleikar séu í stöðunni. Þeir lifa og synda. Þeir deyja og eru þá annað hvort veiddir eða sökkva til botns í einu eða öðru formi. Ef 18% deyja og sökkva til botns og við veiðum bara lítinn hluta þá hljóta mjög margir fiskar að hafa það ansi gott og fjölga sér. Þrátt fyrir að veiðar hafi minnkað ár frá ári þá bara minnkar stofninn. Eitthvað er ekki að virka.

Tilgangur fiska er að éta, fjölga sér og deyja. Hljómar kunnuglega ekki satt? Í okkar kerfi virðast þeir bara deyja. Þeir fiskar sem finnast eru horaðir og virðast því ekki éta. Annað hvort er að setja Viagra eða mat í sjóinn.

Athugasemdir

[Kolbrún Stefánsdóttir, 31.1.2008 kl. 20:41]

Hahahah einn fyndnast pistill sem ég hef séð lengi.. Alltaf fundist þessi fiskifræði ferlega fyndin..:) Auðvitað vitum við ekki rassgat hvað er að gerast í djúpinu ... kveðja Kolla.

[Ásgeir Rúnar Helgason, 2.2.2008 kl. 11:41]

Alsæll.

Skemmtilegur pistill. En hvenær fékkstu þennan brennandi áhuga á fiskum og sjávarútvegi?

[Gunnar Skúli Ármannsson, 2.2.2008 kl. 20:14]

Sæl Kolla, gott að þetta gladdi þig. Nú verðum við að fræða landann svo hann skilji muninn á réttu og röngu.

[Gunnar Skúli Ármannsson, 2.2.2008 kl. 20:23]

Sæll Ásgeir,

framsal kvóta í sjávarútveigi er mér mjög hugleikið. Það hefur haft það í för með sér að fyrirtæki kaupir kvóta á stað a og flytur hann svo á stað b. Í bænum a verða allir atvinnulausir og húseignir þeirra verða verðlausar. Þarna er mikill skortur á sanngirni. Þú veist að fyrsta reglan í læknisfræði er "do no harm"  

[Ásgeir Rúnar Helgason, 3.2.2008 kl. 12:22]

OK,

Agnar bróðir skrifaði margar lærðar ritgerðir um þetta mál með Gísla Páls áður en hann fór að rannsaka genetískan uppruna íslendinga hjá DeCode.

Það er varla hægt annað en að vera sammála þér í þessu máli.