Vilhjálmur og Bjarni.

Það var mjög sérkennilegt Kastljósið í kvöld. Bjarni staðhæfði að viss mál hefðu verið rædd en Vilhjálm rak ekki minni til þess. Ætli við verðum ekki að fara að taka alla fundi upp á band til að fyrirbyggja það að menn gleymi svona hratt.

Að Vilhjálmur mæti í Kastljósið sýnir ákveðið hugrekki, hann er greinilega að berjast fyrir tilvist sinni og æru. Eru samflokksmenn hans sáttir við framvindu mála. Eru vinnubrögð, þar sem minnisleysi er aðal vörnin Sjálfstæðisflokknum sæmandi? Eru Sjálfstæðismenn upp til hópa rænulausir á fundum. Við ætlumst til þess að kjörnir fulltrúar okkar séu vakandi á fundum og beiti gagnrýninni hugsun, en kokgleypi ekki allt sem  sagt er við þá. 

Sérkennilegir þessir Sjálfstæðismenn, það er gott mál að taka vinnuna frá venjulegu fólki á landsbyggðinni þegar menn eru að skutla kvóta á milli sín og á sama tíma að afhenda fjöregg þjóðarinnar í hendur fárra sérvaldra auðmanna. 

Athugasemdir

[Rannveig H, 16.10.2007 kl. 00:01]

Þetta versnar með degi hverjum,ég er svo meðvirk að ég vorkenndi Villa karlrolunni í Kastljósþættinum eins má ég ekki til þess hugsa að Björn Ingi sleppi billega frá þessu klúðri.

[Guðrún Þóra Hjaltadóttir, 16.10.2007 kl. 08:28]

Ég verð að segja að ég hálf vorkenni Vilhjálmi. Línurnar eru nú samt að skýrast, eftir allt er þetta ekki bara Björn Ingi sem sveik, heldur vissi Vilhjálmur ekkert hvað hann var að gera.

Hún er sóðaleg og siðblind pólitíkin, það er kominn tími til að "þetta" fólk vinni vinnuna sína og viti hvað það er að samþykja.

[Halla Rut , 16.10.2007 kl. 20:48]

Já ég vorkenni honum líka, það lítur út fyrir að hann hafi veri gabbaður.

[Jakob Falur Kristinsson, 17.10.2007 kl. 17:45]

Ekki vorkenni ég honum, hann var ekkert gabbaður, heldur nennti hann ekki að kynna sér málin og svaf á fundum og treysti alfarið á aðra.  Ég segi nú bara eins og Davíð forðum "Svona gera menn ekki."