Kennaralaun.

Var að heyra um vinkonu okkar. Hún kenndi 80% í fyrra, fékk fyrir það 150 þús í peningum. Núna ákvað hún að fara í Háskóla og mennta sig betur. Fær frá Lánasjóðnum 160 þús í peningum á mánuði.

Er ekki eitthvað bogið við kennaralaunin? 

Athugasemdir

[Inga Rós (IP-tala skráð) 13.8.2007 kl. 23:45]

Það er engin sem efast um það að kennaralaun séu skammarlega lág. Það breytir samt ekki þeirri staðreynd að þau eru hærri en 150 þús (eins og þú bentir á þegar þú nefndir að vinkonan hefði fengið þá upphæð "í peningum") og þetta var fyrir 80% starf. Námslánin eru hins vegar bara lán og miðast þar að auki við 100% nám.

[Guðrún María Óskarsdóttir., 13.8.2007 kl. 23:56]

Sæll Gunnar.

Jú það er flest allt kengbogið hvað varðar launaumhverfi við uppeldi af hálfu hins opinbera, sama hvort fólk er fagmenntað eða ekki Opinbera þjónusta á ekki að þurfa að kosta neitt.

kv.gmaria.

[Ásgeir Rúnar Helgason, 14.8.2007 kl. 21:31]

Sæll félagi!

Ég er að sjálfsögðu sammála þér um kennaralaunin enda eru Finnskir búnir að sýna Sænskum frammá það fyrir alllöngu að kennaralaun eru beint tengd við árangur barna og unglinga í raungreinum.

En ég var að koma frá Lofoten í norður Noregi og verð bara að segja þér að ég fékk verulega vind í seglin varðandi þínar (og sjálfsagt annarra) hugmyndir (fyrri færslur frá þér) um veiði í smáum skala. Þessi stefna Íslendinga að vera með fá en stór skip er heimskuleg (held ég?).  Á afskekktustu eyjum Lofoten eru meðallaun fólks hærri en það sem er normalt í olíuríkinu Noregi og þar lifa menn bara af túrisma og smábátaútgerð.

Lifi fjalldrapinn!