Ársfundur SÍ í dag-reynslunni ríkari

Mér var boðið á ársfund Seðlabanka Íslands í dag. Ég mætti. Ég hélt í einfeldni minni að boðið yrði upp á umræður um landsins gagn og nauðsynjar. Í staðinn héldu menn ræður í röðum. Enginn horfðist í augu við staðreyndir lífsins í ræðum sínum og hafði því ekki forsendur til að ráða okkur heilt. Því leið ekki á löngu þangað til höfuð mitt seig ofaní bringu og ég steinsofnaði.

Eftir að fundi lauk var boðið upp á næringu. Eðal áfengi og snittur af dýrustu sort, ekki niðurskurður í þessu húsi. Ég stóð álengdar og virti fyrir mér söfnuðinn samtímis og ég sötraði á hvítvíninu. Elítan virtist þekkjast nokkuð vel innbyrðis, faðmar og knús, en ég stóð utangáttar. Langflestir sem ég kannaðist við höfðu haft rullu í leikhúsi Davíðs á sínum tíma og komið landi mínu lóðbeint á hausinn án vandkvæða.

Í sjálfu sér verður maður að líta á svona uppákomu sem hvern annan listrænan gjörning í boði skattgreiðanda. 

Athugasemdir

[Steingrímur Helgason, 25.3.2010 kl. 22:35]

Gratjúa þér með eðalztund í leikhúzi fáránleikanz ...

[Gunnar Skúli Ármannsson, 25.3.2010 kl. 22:38]

Þakka þér fyrir Steingrímur, efast um að ég muni endurtaka þetta ef ég fæ einhverju um það ráðið.

[Jóna Kolbrún Garðarsdóttir, 25.3.2010 kl. 23:35]

Svona flottræfils samkomur eru örugglega haldnar daglega í hinum ýmsu opinberu stofnunum.   Þau éta og drekka fínerí, í boði okkar sem borgum launin þeirra líka. 

[Árni Gunnarsson, 26.3.2010 kl. 08:39]

Ljótt að segja: En hvar sem rætt er um þetta lið á kaffihúsum eða á vinnustðum þá er þetta ærulaust fólk sem er hatað og fyrirlitið af þjóð sinni.

En hrokinn og taumlaus og siðblindan.

[Ásthildur Cesil Þórðardóttir, 26.3.2010 kl. 17:34]

Vonandi komast aðrir að og geta hreinsað til hjá þessum fjandans rumpulýð.  Hingað og ekki lengra.

[Halla Rut , 29.3.2010 kl. 13:44]

Auðvitað er ekkert breytt, við hverju bjóstu. En ég, kona bjartsýninnar, tel að þetta allt muni breytast með tímanum og það erum við, þjóðin, sem þurfum að standa vörðinn.