Fyrsti í Jóhönnu.

Jajæ, þau mátuðu stólana í dag. Jóhanna sendi bréf til Dabba og bað hann að hypja sig, svona sem almenna greiðasemi við þjóðina. Ögmundur strokaði út Guðlaugsskattinn á þá sem þurfa að leggjast inn á Sjúkrahús. Steingrímur sér til þess að hvalir drepist drottni sínum á náttúrulegan hátt án tekna fyrir ríkissjóð. Í raun nokkuð gott miðað við einn dag. Sjálfstæðismenn eru búnir að töfra fram tvö þingmál og munu mæla fyrir þeim á næstunni. Hvar munu Framsóknarmenn staðsetja sig? Munu þeir leka til hægri eða vinstri?

Kosningar 25 apríl. Gott fyrir þá flokka sem hafa skorað vel í skoðanakönnunum undanfarið. Verra fyrir hina flokkana. Verst fyrir ný framboð. Ekki beint lýðræðislegt. Vonandi tekst grasrótinni að koma einhverju góðu á koppinn innan tilskilins tíma. Mér finnst að við þörfnumst þess.

Athugasemdir

[Kolbrún Stefánsdóttir, 3.2.2009 kl. 00:05]

Sæll. Góður og gagnyrtur pistill hjá þér. Er þetta ekki hálf broslegt þó það sé á sama tíma afar dapurlegt. Ætli Davíð og co.. segi ekki bara" jú jú Jóhanna mín við skulum fara heim " Spítalaskatturinn átti að vera partur af stærra dæmi hjá Sjálfstæðismönnum, að ég held, og því vantar hinn endann á þetta hjá Ögmundi. Hvar tekur hann þær tekjur sem hann var að slá af? Í lyfjaverðinu eða ? Ég er nú ekki að trúa því á Steingrím að hann sé að slá hvalveiðina af eða hvað ? Ég hef alveg misst af því. Já það er skuggalega stutt í kosningar. kveðja Kolla.

[Hólmfríður Bjarnadóttir, 3.2.2009 kl. 00:53]

Ég þakkaði mínum sæla að ver ekki í stjórninni hjá Jóhönnu þegar hún lýsti því yfir að ráðherrarnir í sinni ríkisstjórn yrðu aðvinna dag og nótt. Er bara búin með þann tíma.

Mér finnst þetta nokkuð gott dagsverk og það besta er að okkur er nú sagt hvað er í gangi. Jóhanna telur frumvörp Íhaldsins ekki nógu ýtarleg og þau virka kannski bara eins og vindhögg miðað við tillögur ríkisstjórnarinnar. Ég sagði það fyrir helgi að Jóhanna mundi draga fram stóru skófluna til að moka og það er víst alveg áreyðanlegt.

[Lilja Guðrún Þorvaldsdóttir, 3.2.2009 kl. 01:21]

Heldurðu að Sjálfstæðismenn "kunni" að tala fyrir venjulegu "þingmáli"?., ég man ekki betur en að Birgir Ármannsson fráfarandi formaður allsherjarnefndar hafi ekki getað samþykkt að tekið yrði fyrir eitt einasta frumvarp, önnur en stjórnarfrumvörp, samanber frumvarp Valgerðar Bjarnadóttur og margra annarra þingmanna Samfylkingar og Vinstri Grænna, um eftirlaunaólögin. - Hann þurfti að sitja á frumvarpinu frá því strax þegar þing kom saman eftir kosningar 2007 og þar til nú að stjórnarslit urðu, það er ekki nema von að honum hafi verið orðið mál að standa upp af fjallháum bunkanum sem safnast hafði saman undir rassinum á honum, á meðan hann beið eftir stjórnarfrumvörpum sjálfstæðismanna um brýn mál, sem hann vissi að aldrei kæmu. 

Hvað Steingrím og hvalina varðar, hlýtur Steingrímur að byrja á að kanna, hvar og hvernig,  ríkið getur staðið við skuldbindingar Einars Kr. Guðfinnssonar um kostnað þann sem ríkið verður að leggja út fyrir,  svo Kristján Loftsson geti hafið hvalveiðar á ný, eru það ekki ca. 2.7 milljarðar, bara startkostnaðurin sem ríkið verður að punga út. -  - Getur svoleiðis tilkostnaður nokkurn tíma borgað sig?.  Eða á þetta að vera útrás Íslensku Víkinganna "taka 2".

Veit ekki alveg hvort Ögmundur samþykkir þá forgangsröðun, býst við að heilbrigðisráðherrann Ögmundur Jónasson muni heldur setja þessa milljarða og hina sem tínast eiga í hítina hjá LÍÚ vegna hvalveiða.  afurðageymslu, auglýsinga og söluherferða afurða,  rannsókna, eða hvað nöfnum þeir kalla milljarðanna  sem við erum að fá lánaða hjá IMF,  og þeir horfa til gírugum augum, slefandi af græðgi, vitandi að þeir munu fá sinn skerf, afþví að þeir eru búnir að kynda svo vel undir væntingum og falsvonum á arðsemi hvalveiða hjá þjóðinni, á örlagatímum. 

[Jóna Kolbrún Garðarsdóttir, 3.2.2009 kl. 01:29]

Ég held að vinstri grænir tapi miklu fylgi í kosningunum í vor, vegna þessarar stjórnarsetu.  Allavega miðað við fylgi sem mælist í skoðanakönnunum undanfarnar vikur.  Vonandi fékk Dabbi kóngur uppsagnarbréfið sitt í gær.    Hann átti aldrei erindi í Seðlabankann, frekar en aðrir afdankaðir stjórnmálamenn.  Seðlabankinn má ekki vera elliheimili, úreltra stjórnmálamanna.  Nema kannski að sá úrelti væri hagfræðingur eða með sambærilega mentun. 

[Ásthildur Cesil Þórðardóttir, 3.2.2009 kl. 09:55]

Ég veit ekki lengur hvað gera skal, ef satt skal segja.  En ég skil ekki alveg af hverju þeir vilja kjósa svona snemma, manni  dettur í hug að þeim hugnist ekki ný framboð.  En hvað veit ég svo sem. 

[Kolbrún Stefánsdóttir, 3.2.2009 kl. 18:07]

 já hvað veit maður svo sem ... kveðja Kolla.