Sá yðar sem syndlaus er kasti......

Þau á landsbyggðinni segjast hafa þjáðst í sinni kreppu áratugum saman. Ekki hafi 101 liðið barist neitt fyrir þau. Af þeim sökum sjá þau ekki neina ríka ástæðu til stjórnarslita. Hver hefur kosið Sjálfstæðisflokkinn til valda s.l. 17 ár? Örugglega enginn á landsbyggðinni.

"Sá yðar sem syndlaus er kasti fyrsta steininum..."

Meiri biðlund á landsbyggðinni

Athugasemdir

[Offari, 24.1.2009 kl. 21:00]

Það má ekki breyta þessu í stríð á milli landsbyggðar og höfuðborgarsvæðisins.  Málið er að höfuðstöðvar spillingarinnar er á höfuðborgarsvæðinu því hafa minni sveitarfélög landsbyggðarinar minna orðið vör við áhrif kreppunar.  Þetta er ekki þeim sem kusu sjálfstæðisflokkinn að kenna frekar enn fylgismönnum annara flokka. Þetta er siðeitruðum auðmönnum að kenna. Siðblindir stjórnmálamenn voru gerðir meðsekir.

[Anna Guðný , 24.1.2009 kl. 22:58]

Hver var að tala um þjáningu? Málið er að það hefur verið kreppa á landsbyggðinni í mörg ár. Mis alvarleg og mis löng eftir þvi hvaða staður er. Hér á Akureyri var 10% atvinnuleysi fyrir ca. 15. árum. Mannst þú eftir því? Ég man eftir því.

Bara á SÍS verksmiðjunum voru 900-1100 manns að vinna, þegar mest var, núna 0. Nú væri gaman að reikna út hvernig þetta myndi líta úr fyrir höfuðborgarsvæðið, svona hlutfallslega.

Við erum ekkert að væla, þetta var bara svona hérna og við tókum á því.

2. staðreyndir um Akureyri í dag.

Hvergi í heiminum í 17.000 manna byggðarlagi er boðið upp á atvinnuleikhús og simfoníuhljómsveit.

Hvernig í heiminum í 17.000 manna byggðarlagi er boðið upp á annan eins fjölda íþróttagreina til æfinga sem standa öllum börnum til boða.

Heldurðu að við höfum komið þessu á með einhverju væli? Nei, með ómældri vinnu, samvinnu.

Það voru örugglega einhverjir pappírspésar að vinna hér en flest fjármálafyrirtækin eru  með höfuðstöðvar í Reykjavík þannig að allur gróðinn fór skiljanlega þangað. Og þá tapið núna.

Svo eru einhverjir sjálfstæðismenn hér líka, og þeir eru flestir ágætir, eins og hjá þér. En svo eru þeir inn á milli sem við viljum losna við, og í mínu tilfelli á það við um alla flokka. Þess vegna hef ég illa rekist í sjórnmálaflokkum hingað til.

Búin að blása út, takk fyrir mig.

Eigðu góða helgarrest

[Gunnar Skúli Ármannsson, 24.1.2009 kl. 23:39]

Sæl bæði tvö,

ég er alveg hjartanlega sammála ykkur. Þó að ég sé borgarbarn og landkrabbi hef ég unnið talsvert úti á landi. Það skiptir í raun ekki nokkru máli. Ég hef á tilfinningunni að þið hafið misskilið mig örlítið.

Það sem ég er að gagnrýna er tregða Samfylkingarmanna utan af landi við stjórnarslitum. Í sumum athugasemdum við þessa frétt er því borið við að 101 liðið eigi ekki skilið stuðning landsbyggðarinnar. Þar er alið á sundrung.Þessu var ég að mótmæla.

[Anna Guðný , 24.1.2009 kl. 23:47]

Ég skildi þig þó nokkuð. En mér finnst þetta nú samt svolítið vera ástæðan. Allur þessi hraði í höfuðborginni. Allir of seinir, allt á að gerast í gær. Landsbyggðarfólkið er slakara, gefur hlutunum tíma. Kannski spyrntu þeir eitthvað í, veit ekki. En mér heyrðist nú Rvík. fólkið hafa verið búið að taka ákvörðun. Áttu hinir þá bara að fylgja eftir í bandi?

Hvað heldur þú?

[Haraldur Rafn Ingvason, 25.1.2009 kl. 00:37]

Ef stjórnin ætlar að sitja til kosninga verður sjálfstæðisflokkur að ganga að afarkostum sem innifela hreinsun í seðlabanka og fjármálaeftirliti. Á eftir að sjá það gerast.