Lögreglumenn...

..og makar þeirra og börn-við segjum takk fyrir vel unnin störf.

Hvernig ætli það sé að einbeita sér í vinnunni í 100+ decibela hávaða allann tímann, einhver að banka í hausinn á manni með sleif, slettir á mann landbúnaðarafurðum, bæði hráum úr iðrum mótmælenda eða fullunnum úr ísskápnum hennar mömmu. Þegar það dugar ekki til eru opinberir starfsmenn grýttir með grjóti og gangstéttarhellum svo þeir stórslasast. Ætla sömu einstaklingar að hrækja og berja aðra opinbera starfsmenn sem eru þeim ekki að skapi, kennara, lækna, presta eða tollverði.

Að lögreglumenn hafi ekki alltaf gert allt rétt að mati ótilkvaddra dómara er vel hugsanlegt. Ég segi nú bara, er einhver hissa miðað við vinnuæðstæður. Hvernig ætli skurðlækni gengi að snara úr manni gallblöðrinni niðrá Austurvelli, sennilega dræpist sjúklingurinn.

Ég hef mótmælt í allt haust-mjög friðsamlega. Ef einhverjir fimmtíu ofbeldisfullir einstaklingar ætla að beita sínu fátæklega tjáningaformi, ofbeldi, þá bið ég þá allra bæna að halda sig heima framvegis. Við hin viljum fá að mótmæla áfram, friðsamlega.

Athugasemdir

[Björgvin R. Leifsson, 22.1.2009 kl. 21:08]

Það er óþolandi þegar örfáir skemma - eða reyna að skemma - fyrir mörgum. Skv. fréttum Sjónvarpsins í kvöld, haft eftir lögreglunni, voru flestir óeirðaseggjannna í hópi svokallaðra góðkunningja lögreglunnar. Ég geri ráð fyrir að með hafi slæðst nokkrir á 19. glasi eftir miðvikufylleríið. Svo er rétt hugsanlegt að einhverjir andstæðingar mótmæla hafi viljandi reynt að koma óorði á mótmælendur.

[Gunnar Skúli Ármannsson, 22.1.2009 kl. 21:17]

Sæll Björgvin, allt er mögulegt í stöðunni.

Eitt sem ég gleymdi að minnast á. Þeir sem eru að draga athygli að heimilum og fjölskyldum lögreglumanna ættu að skammast sín og hætta öllu slíku snarlega. Ég tel vel koma til greina að ávíta slíka einstaklinga fyrir að slá fyrir neðan beltisstað-skömm.