Kominn heim!!

Jajæ, nú er ég kominn heim. Búinn að vera á Norðfirði í 16 daga að vinna. Reyndar í mjög góðu yfirlæti og get ekki kvartað. Það er mjög gaman að vinna þar, fólkið með eindæmum elskulegt og þægilegt. Aftur á móti á maður víst heima heima hjá sér. Heima er best, og því er gott að vera kominn heim. Reyndar er húsið tómt, fyrir utan hundinn. Mikið hvað fólk er "bisí" hér fyrir sunnan. Ætli ég hitti ekki fjölskylduna í kvöld. Nýti friðinn og skrifa eina grein í Moggann um skort á malbiki á flugvöllinn á Norðfirði.

Athugasemdir

[Guðrún Jóna Gunnarsdóttir, 19.1.2008 kl. 20:04]

Velkominn heim. Gott að vita til þess að Norðfirðingar njóti starfskrafta þinna sem og annarra kollega þinna frá LSH. Sem landsbyggðatútta til margra ára veit ég hversu mikilvægt það er fyrir landsbyggðina að fá sérfræðinga til starfa þó tímabundið sé.

[Guðrún María Óskarsdóttir., 20.1.2008 kl. 03:42]

Skrifaðu sem flestar greinar Gunnar Skúli, þín réttsýni og vitund fyrir framþróun mála er mikil.

kv.gmaria.

[ein marían (IP-tala skráð) 20.1.2008 kl. 09:06]

Þú varst heppinn að fara heim í gær Gunnar. Því þú hefðir örugglega verið strandaglópur hér á Fagradalnum, það er mikill skafrenningur. Takk fyrir samvinnuna. Við bíðum spennt eftir greininni.

kveðja ein Marían ;)

[Gunnar Skúli Ármannsson, 20.1.2008 kl. 13:55]

Þakka ykkur öllum hlý orð.