Neskaupsstaður-II

Var að vinna í allt gærkvöld fram að miðnætti, fékk að sofa í nótt og þá er maður sáttur. Góður nætursvefn skiptir öllu. Vökulögin virðast ætla að koma seint hjá okkur læknunum. Hluti af skýringunni er að við höldum að við séum ódrepandi og óskeikulir algjörlega án tillits hvort við sofum yfir höfuð eða ekki. Ef þessi kennisetning heldur vatni þá eru læknar öðruvísi uppbyggðir svona "mekanískt" en annað fólk. Ég held að læknar séu bara öðruvísi en annað fólk vegna þess að þá skortir innsæi á að þeir þurfi líka að sofa eins og annað fólk.

Fórum hjónakornin í sund og konan synti sína 1000 metra. Mjög góð sundlaug hér á staðnum með mjög góðri aðstöðu, allt nýuppgert, nýir pottar og rennibraut væntanleg. En nú þarf ég að fara að vinna aftur.

Athugasemdir

[Rúna Guðfinnsdóttir, 10.6.2007 kl. 17:31]

Ég vildi ég væri svona dugleg eins og konan þín Ég er alltof mikill letipúki til að nenna einhverju svona. Gangi ykkur vel á Neskaupsstað.